Allo tradicional (250 g)

O allo é un imprescindible da cociña: aporta aroma, fondo e carácter a unha chea de pratos, desde os máis sinxelos ata os máis especiais. En Aloumiños da Terra cultivámolo respectando os ritmos naturais do solo e das estacións.

Destaca polo seu sabor suave e equilibrado, moi agradable no padal e sen esa sensación intensa que ás veces acompaña a outros allos. Un produto versátil, pensado para unha cociña sinxela, saborosa e saudable.

Cultivo

Plantamos dentes seleccionados directamente no solo entre os meses de novembro e decembro. É un cultivo de ciclo longo, traballado con escardas manuais e sen forzar os crecementos. A colleita realízase cando a planta seca e o bulbo está ben formado. Despois, o allo sécase e cura ao aire para favorecer a súa conservación e concentrar mellor o sabor.

Tempada

· Plantación: Novembro – Decembro

· Colleita: Xuño

· Consumo: Todo o ano, grazas á súa boa conservación en seco.

Como usalo

Pódese empregar cru en pequenas cantidades, salteado, asado, confitado ou como base de sofritos, salsas, carnes, peixes, verduras e pans. É un ingrediente esencial tanto na cociña mediterránea como na atlántica.

Como conservalo

Gárdao nun lugar seco, ventilado e escuro, a temperatura ambiente. É importante evitar a humidade e tamén o frío da neveira.

Consellos prácticos

Se brota, podes retirar o xermolo interior para conseguir un sabor máis suave. Un allo ben curado adoita ser firme, pesado e sen manchas brandas. Tamén podes asalo enteiro para obter unha textura cremosa e un sabor máis doce.