Ameixa vermella

A ameixa vermella ten un sabor algo máis intenso ca a amarela, cun bo equilibrio entre dozura e acidez. A súa pel rica en pigmentos dálle moita presenza e tamén un perfil máis aromático.

É unha froita con máis carácter, moi boa para comer en cru pero tamén para sobremesas, compotas ou combinacións con queixos e carnes.

Cultivo
Como a ameixa amarela, procede de árbores de clima temperado, con boa insolación e solos ben drenados. Recóllese a man no punto xusto de madurez.

Tempada
Verán.

Como usalo
En cru, en sobremesas, marmeladas, compotas ou en pratos salgados con carnes e queixos.

Como conservalo
Na neveira, no caixón da froita, mellor consumila en poucos días.

Consellos prácticos
A pel concentra moitos antioxidantes, así que compensa comela sen pelar, ben lavada.