Beterraba

A beterraba é unha hortaliza de raíz, de cor intensa e sabor doce e terroso. É un alimento moi versátil, que ademais da raíz permite aproveitar tamén as súas follas tenras, especialmente en tempada.

En Aloumiños da Terra gústanos pola súa intensidade de cor, o seu sabor característico e porque ofrece moitas posibilidades na cociña, tanto en pratos sinxelos como en receitas máis elaboradas.

Cultivo
Cultívase directamente non so a partir de semente e precisa terras soltas e ben drenadas para que a raíz poida desenvolverse correctamente. Durante o cultivo é importante manter unha humidade regular e controlar as herbas competidoras.

Tempada
A súa tempada principal vai desde a primavera ata o outono.

Como usala
Pódese comer crúa, relada ou en ensaladas, e tamén cocida, asada ou salteada. É deliciosa en cremas, hummus, guarnicións, ensaladas mornas ou combinada con queixos, froitos secos e outras hortalizas. As follas novas tamén se poden aproveitar como unha verdura máis.

Como conservala
Na neveira, preferiblemente sen lavar e retirando as follas se aínda as conserva. A raíz pode manterse varios días en boas condicións.

Consellos prácticos
Para conservar mellor a beterraba, garda a raíz separada das follas, xa que estas extraen humidade da raíz. Se a vas cocer, podes facelo enteira e coa pel para axudar a conservar a súa cor e sabor.