Kale

O kale é unha das formas máis antigas de col cultivada, con follas soltas, rizadas e moi ricas en nutrientes. Ten unha personalidade máis marcada ca outras follas verdes, pero co frío gaña dozura e unha textura máis agradable.

É unha folla potente, versátil e moi actual, perfecta tanto para receitas sinxelas como para pratos máis coidados.

Cultivo
É unha planta moi resistente ao frío e permite recoller de maneira continua as follas exteriores. Funciona especialmente ben no outono e inverno.

Tempada
Outono, inverno e comezos da primavera.

Como usalo
Salteado, en chips ao forno, en sopas, ao vapor ou mesmo en cru cando está máis tenro.

Como conservalo
Na neveira, en bolsa ou recipiente pechado, varios días.

Consellos prácticos
Se o nervio central é moi groso, mellor retiralo. En cru, vaiche quedar máis agradable se o “masaxeas” un pouco co aliño.