Loureiro

O loureiro é unha desas aromáticas imprescindibles da despensa. Ten un aroma profundo, limpo e cálido, e acompaña moi ben a cociña tradicional, sobre todo en guisos, caldos e coccións lentas.

É unha folla discreta á vista, pero cun papel moi importante no sabor final do prato.

Cultivo
É unha planta resistente, de folla perenne, que medra ben ao sol ou en semisombra e en solos ben drenados. As follas pódense recoller durante todo o ano e secar lentamente á sombra.

Tempada
Dispoñible todo o ano.

Como usalo
En guisos, caldos, legumes, carnes, peixes e tamén en infusións dixestivas con moita moderación.

Como conservalo
As follas secas mantéñense ben en tarro hermético, ao abrigo da luz. Tamén se pode usar fresco.

Consellos prácticos
Mellor empregalo enteiro e retiralo antes de servir: aromatiza moito, pero non se come.